2023 жылдың наурыз айына арналған айлық жоспарын сәйкес, балабақшада «Қош келдің, әз Наурыз!» атты іс-шаралар жоспары іске асырылды. Іс-шара барысында қауіпсіздік ережелерін сақтау жөніндегі нұсқаулықтар жүргізіліп, музыка залы мерекеге сай безендірілді. Мерекеде тәрбиеленушілермен «Оқтау тартыс», «Бестемше», «Ханталапай», «Арқан тарту» т.б ұлттық ойындар кеңінен ойнатылды. Балабақшада құрылған «Әжелер мектебінің» әжелері «Тұсау кесу», «Ат қою», «Қырқынан шығару», «Бесікке салу» т.б салт-дәстүрлерін насихаттады. Қазақтың атадан балаға мирас болып келе жатқан ұлттық бұйымдар мен қолөнер туындыларынан көрме қойылып, балалар танымын кеңейту мақсатында саяхат ұйымдастырылды.

Толығырақ...

2023 жылдың наурыз айының айлық жоспарына сәйкес, балабақшада «Аналар-асыл жандар» 8 наурыз Халықаралық әйелдер мерекесіне арналған іс-шаралар жүзеге асырылды. Іс-шара барысында мереке өтетін орындарды  мерекеге сай безендіру ұйымдастырылып, ертеңгіліктер өткізу кезінде қауіпсіздік ережелерін сақтау шаралары басты назарда болды. 6 наурыз күні топтар арасында«Үздік ашық хат» байқауы ұйымдастырылып, жеңімпазы «Парасат» ересек тобы, топ тәрбиешісі Р.Бейсекеева балаларға арналған ертегі кітаптармен, мақтау қағазымен марапатталды. 3-7 наурыз аралығында топтардың жеке-жеке ата-аналардың қатысуымен «Аналар-асыл жандар» атты ертеңгіліктер өткізілді. Ертеңгілікте балалар аналарына деген ыстық лебіздерін ән мен би, өлең шумақтары арқылы жеткізе білді.

Толығырақ...

2023 жылдың 1 наурызында балабақшада Астана қаласы әкімдігінің «Астана қаласының Бірлескен мұражайлар дирекциясы» МКҚК-ның Тарихи-мәдени мұра объектілерін және ескерткіштерді сақтауды қамтамасыз ету орталығымен серіктестік аясында «1 Наурыз Алғыс айту күні» атты іс-шара жүзеге асырылды. Іс-шара барысында балалар Алғыс күні туралы мағлұмат алып, ризашылық белгілерін сурет арқылы жеткізді.

2023 жылдың 23 ақпанында №5 «Ақбота» балабақшасының базасында «Мектеп жасына дейінгі балалардың дағдыларын ойын арқылы қалыптастырудағы әдіс-тәсілдер» тақырыбында қалалық семинар өтті. «Мектеп жасына дейінгі балалардың дағдыларын ойын арқылы қалыптастырудағы әдіс-тәсілдерден озық тәжірибелерді тарату, педагогтердің тәжірибе алмасуына ықпал ету» мақсатындағы семинар «Жас келсе іске...» атты жас мамандардың ұйымдастыруымен тренинтен басталды. «Салауат» ортаңғы тобының тәрбиешісі Ж.Абдикаримова, «Зияткер» мектепалды тобының тәрбиешісі К.Серкебаева, «Саналы» мектепалды тобының тәрбиешісі М.Бузаубакова, «Өрлеу» мектепалды тобының тәрбиешісі Г.Кайнарбаева үлгілік оқу бағдарламасында көзделген меңгерілуі тиіс білім, біліктердің, дағдылар мен құзіреттіліктердің мазмұны мен көлемін сақтай отырып, ұйымдастырылған оқу іс-әрекеттерде тәжірибелерімен бөлісті. Тәрбиешілер бірнеше білім беру технологияларының элементтерін тиімді қолданып, бала үніне құлақ аса білді. Тәрбиешілер ойын арқылы тәрбиеленушілердің құзыреттіліктерін, физикалық және жеке қасиеттерін дамыту олардың жас ерекшеліктеріне сәйкес біліктері мен дағдыларын қалыптастыру әдіс-тәсілдерімен тиімді бөлісті. Балабақша тәрбиешісі А.Рыскулова «Мектеп жасына дейінгі балалардың дағдыларын ойын арқылы қалыптастыру» тақырыбында дамытушы, танымдық, ұлттық т.б ойындар жиындарынан көрмеге шолу жасады. «Ойын-баланың жетекші әрекеті» екенін ескере отырып, семинарға қатысушылармен ойындар ойнатты. Келесі кезекте балабақша тәрбиешісі А.Төреева «Оқуға құштар мектеп» жобасы аясында балабақшада іске асырылып жатқан «Оқу құштар бүлдіршін» яғни, «Мобильді кітапхана» ұзақ мерзімді жобасын қорғады. Жобаның тиімділігі ата-ана өзіне немесе баласына ұнаған ертегі кітаптарды, санамақтарды, жұмабақтарды алып, өзінің ұялы телефонына QR код арқылы жүктеп алу мүмкіндігімен бөлісті. Семинар жалғасын «Құмырсқа мен шегіртке» атты ертегі желісінде ұйымдастырылған мюзиклмен тапты. Мюзиклде ән мен бидің сүйемелдеуімен еңбектің түбі-береке екенін шебер суреттеді. Соңында балабақша әдіскері А.Абдульдинова «Инстаграмм» әдісі арқылы семинар жұмысын қорытындылады.

Толығырақ...